Մեր հաջողակ սաները


Հայ Ավետարանչական ընկերակցության սաներից շատերն, օժտված լինելով տարբեր շնորհներով և բնատուր ձիրքերով, ներկայանում են միջազգային հանրությանը և գրավում պատվավոր տեղեր: Մենք այսօր ձևավորում ենք նոր ժառանգություն՝ նոր սերունդ: Եվ ահա այս նոր սերնդի ներկայացուցիչներից է Հայկ Խաչիյանը, ով ներկայումս ծառայում է Արցախի Հանրապետության Պաշտպանության Բանակի շարքերում։

Հայկը ծնվել է 1997թ. նոյեմբերի 10-ին ԼՂՀ մայրաքաղաք Ստեփանակերտում: Նա բազմազավակ ընտանիքից է, հայրը Արցախյան պատերազմի ազատամարտիկ է, 2-րդ կարգի հաշմանդամ է:

2002-2015թթ. Հայկն ընդգրկված էր ԱՀԱԸ հովանավորության ծրագրում:Ավարտել է Ստեփանակերտի Թ. Քամալյանի անվան Բժշկական քոլեջը:

Կարդալ ավելին



Հայ Ավետարանչական ընկերակցությունն ավելի քան երկու տասնամյակ է` Հայաստանում և Արցախում իրականացնում է երեխաների    հովանավորության ծրագիր, որում ընդգրկված են հազարավոր երեխաներ:

Նրանցից Հայկ Կիզիրյանցը 2017թ․ ապրիլի 14-ին Գյումրի քաղաքում կազմակերպված «Վերածնունդ» միջազգային մրցույթ-փառատոնում  արժանացել է 1-ին կարգի մրցանակի:

Հայկը ծնվել  է  2001թ. ԼՂՀ մայրաքաղաք Ստեփանակերտում` բազմազավակ ընտանիքում: 2009թ. ընտանիքով տեղափոխվել են Շուշի: Մանկուց սիրել է նկարել և միաժամանակ մեծ հակում ունեցել դեպի երաժշտությունը: Հայկը սովորում է Շուշիի Դ.Ղազարյանի անվան մասնագիտացված երաժշտական դպրոցի ֆլեյտայի բաժնում, 11-րդ դասարանում:

Հաճախել է «Նարեկացի» արվեստի միության Շուշիի կենտրոնի նկարչական խմբակը և 2012թ. մասնակցել է Երևանում կազմակերպված «Տաթև» նկարչական մրցույթին: Նա զբաղեցրել է «Ստեղծիր Տաթևիկի կերպարը կամ թռիչքի հրավեր» Ստեղծագործական մրցույթի «Գեղանկարչական աշխատանք» անվանակարգում պատվավոր 1-ին տեղը: 2016թ. զբաղվում է կարատե մարզաձևով:

Կարդալ ավելին


Այսօր առիթ ունեցանք միասին շնորհավորելու մեր երիտասարդներից մեկին՝ Նորայր Հախոյանին: Նորայրն անցյալ շաբաթ՝ մարտի 27-ին՝ հունահռոմեական ոճի ըմբշամարտի ՀՀ երիտասարդների առաջնությունում նվաճեց 1-ին մրցանակը և դարձավ Հայաստանի չեմպիոն:

Նորայրն այսպիսով ևս մեկ նվաճում ավելացրեց իր մարզական ձեռքբերումներին, որոնց թվում՝ 2015-2017 թթ երիտասարդների՝ Հայաստանի առաջնությունների հաղթող, միջազգային բազմակի մրցաշարերի հաղթող ու մրցանակակիր, աշխարհի և Եվրոպայի առաջնությունների մասնակից...

Կարդալ ավելին


Ամերիկայի Հայ Ավետարանչական ընկերակցությունը 25 տարի շարունակ իր բարեսիրական գործունեությունն է ծավալում  Հայաստանում և Արցախում։ 25 տարեկան է նաև ԱՀԱԸ Վանաձորի գրասենյակը: ԱՀԱԸ աջակցության շնորհիվ, մութ ու ցուրտ տարիներին բազում ընտանիքներ կարողացան պայքարել, հաղթահարել դժվարությունները, հասնել հաջողությունների:

Այդպիսի  ընտանիքներից մեկն էլ Սարգիս Գրիգորյանի ընտանիքն էր: Սարգիսը 3 տարեկան էր, երբ ծանոթացանք նրա ընտանիքի հետ և ընդգրկեցինք հովանավորության ծրագրի մեջ: Մեծ ճանապարհ ենք անցել միասին, տարբեր ծրագրերի է մասնակցել Սարգիսը` մանկական, պատանեկան, երիտասարդական ճամբարներ, կամավոր ծառայել է բակային ճամբարներում, հաճախել թատերական խմբակ:

Կարդալ ավելին


Մարտ ամիսը հարուստ էր Գյումրու գրասենյակի մարզիկների համար: Հայաստանի դպրոցականների շրջանում անցկացված գնդակային հրաձգության 2017թ․ հանրապետական մրցումներում ԱՀԱԸ Գյումրու կամավոր աշխատակից Հովհաննես Մարգարյանը նվաճեց առաջին տեղը:

Հովհաննեսը հունվարին գրավել էր երկրորդ տեղը, բայց սպորտային մարզումները և իր համառությունը այս անգամ նրանց բերեցին հաջողություն և հաղթանակի բերկրանք։

Մարտ ամսին Երևանում կայացավ Հայաստանի Կարատեի Ազգային Ֆեդերացիայի կազմակերպած մեծահասակների, երիտասարդների և պատանիների կարատեի XXIX առաջնությունը: Այս մրցաշարին մանակցեցին Գյումրու գրասենյակի կարատեի կամավոր ուսուցիչ Լուիզա Արեստակեսյանը և նրա սան Սամվել Շուխյանը: Երկուսն էլ Գյումրի վերադարձան «ոսկե» մեդալով և առաջին տեղը նվաճած պատվոգրերով:

Կարդալ ավելին


Գյումրու գրասենյակի խմբակների և ՀԱԵ Կիրակնօրյա դպրոցի երեխաները հպարտանալու շատ առիթներ են տալիս, բայց հատկանշական էր, որ 2016 թվականն ավարտեցինք նոր ձեռքբերումներով, իսկ 2017-ն սկսում ենք հաղթանակներով: Ունենք 3 նոր նվաճումներ և ուզում ենք այս ուրախությամբ բաժնեկցել ձեզ հետ:

Կարդալ ավելին


«Հայ կրթություն» կրթահամալիրի  9-րդ դասարանի աշակերտուհի Տաթեւ Բարսեղյանը վերջերս հատուկ հավաստագրի է արժանացել Համաշխարհային փոստային միության միջազգային ժյուրիի կողմից: Նա իր շարադրությամբ մասնակցել էր Նամակագրության միջազգային մրցույթին, որի այս տարվա թեման էր՝ «Աշխարհը, որտեղ ես կուզեի մեծանալ»:

Կարդալ ավելին

Մայիսի 7-ին և 8-ին տեղի ունեցան բանավեճի հանրապետական մրցաշարի 1/8-րդ եզրափակիչ և կիսաեզրափակիչ փուլերը: Մրցաշարին մասնակցում էին Հայաստանի տարբեր մարզերի 26 հավաքական թիմեր, որոնցից եզրափակիչ փուլ դուրս եկան «Էջմիածին» և «Երևան 1» թիմերը:

Նշենք, որ «Երևան 1» թիմին առաջնորդում էր Ավետիսյան դպրոցի բանավեճի ակումբի ղեկավար Արևիկ Խաչատրյանը, իսկ թիմի կազմում մեր աշակերտներից հանդես էր գալիս Լուսինե Եղիազարյանը:

Կարդալ ավելին


Համաշխարհային Փոստային Միությունը (ՀՓՄ), որի անդամ է Հայաստանի Հանրապետությունն` ի դեմս «ՀայՓոստ» ՓԲԸ-ի, յուրաքանչյուր տարի հայտարարում է նամակագրության միջազգային մրցույթ, որի միջոցով լրացուցիչ քայլ է արվում աշխարհում նամակագրության դերը խթանելու ուղղությամբ: (Համաշխարհային Փոստային Միությունը հիմնադրվել է 1874 թվականին Շվեյցարիայի Բեռն քաղաքում):

Այս տարի «ՀայՓոստ» ՓԲԸ-ն, ՀՀ Կապի, տրանսպորտի և տեղեկատվական տեխնոլոգիաների նախարարության և ՀՀ Կրթության և գիտության նախարարության աջակցությամբ, Հայաստանում կազմակերպել էր նամակագրության 45-րդ միջազգային մրցույթը, որի այս տարվա հայտարարված թեման էր. «Գրի՛ր նամակ ինքդ քեզ՝ 45 տարեկան հասակում»:

Կարդալ ավելին


Ահա արդեն 22 տարուց ավելի է, ինչ Հայ Ավետարանչական ընկերակցության՝ Հայաստանում և Արցախում իրականացվող բարեգործական  ծրագրերում մեծ տեղ է տրվում երեխաներին նվիրված ձեռնարկումներին, որոնք նրանց հնարավորություն են ընձեռում մասնակցելու գեղարվեստական (երգի և երաժշտության, նկարչության, քանդակի, թատերական) և մարզական տարբեր խմբակների, համակարգչային դասընթացների, Ամանորի և Սուրբ Ծննդյան, ինչպես նաև տարվա ընթացքում կազմակերպվող բազմապիսի այլ միջոցառումների: Մեր երեխաները մասնակցել են տարբեր փառատոների, ցուցահանդեսների, մարզական մրցումների և արձանագրել հաջողություններ:
Կարդալ ավելին